पुणे : श्री शिवप्रतिष्ठांचे संस्थापक संभाजी भिडे यांच्या आंब्याबाबत वादग्रस्त विधान केल्यामुळे सर्व स्तरातून त्यांच्यावर टीका होत आहे. भिडेंवर जादूटोणा विरोधी कायद्यानुसार गुन्हा दाखल करण्यात यावा. यासाठी अखिल पत्रकार सुरक्षा संघाचे प्रदेशाध्यक्ष सुनील जगताप यांनी भिडे यांच्याविरोधात विश्रामबाग वाडा येथे गुन्हा दाखल करण्याचा तक्रार अर्ज दाखल केला आहे.
‘माझ्या बागेतील आंबे खाल्याने मूले होत असल्याचे’, वक्तव्य संभाजी भिडे यांनी नाशिक येथे झालेल्या सभेत केले होता. तसेच हा आंबा आपण १८० जोडप्यांना दिला होता. आणि त्यातील १५० जोडप्यांना मूल झाले असल्याचा दावा भिडेंनी केला होता. त्यामुळे अंधश्रद्धा निर्मूलन समितीने त्यांच्या या विधानाचा निषेध करुन त्यांच्यावर गुन्हा दाखल करण्याची मागणी केली होती.
या अर्जात विधानामुळे महिलांचा अपमान झाला असून शास्त्रीय वैद्यकीय उपाय व उपचार यावरील विश्वासाला तडा जाण्याचा धोका निर्माण केला असल्याचे देखील यात म्हटले आहे. तसेच जादूटोणा विरोधी कायद्याच्या कलम ३ नुसार गुन्हा दाखल व्हावा अशी मागणी या पत्रात करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
