मुंबई | मराठा मोर्चाचे आंदोलक आक्रमक झाल्यामुळे आषाढी एकादशी निमित्त पंढपूर येथे होणा-या विठ्ठलाच्या शासकीय महापुजेला राज्याच्या मुख्यमंत्र्यांना येऊ देणार नाही असा इशारा मराठा आंदोलकांनी दिला आहे. मराठा आरक्षणाचा मुद्दा पुन्हा एकदा ऐरणीवर आल्याचे चित्र सध्या महाराष्ट्रात पहायला मिळत आहे. या पार्श्वभूमिवर राज्याचे मुख्यमंत्री देवेंद्र फडणवीस यांनी विठ्ठलाच्या पुजेला पंढरपूरमध्ये उपस्थित न रहाण्याचा निर्णय घेतला आहे. त्यामुळे यंदा विठ्ठलाची पूजा कोण करणार हा प्रश्न उपस्थित झाला होता. मात्र, या वर्षी आषाढी एकादशीनिमित्त आयोजित पांडुरंगाची पूजा ‘मानाचे वारकरी’ करतील, असे मुख्यमंत्री देवेंद्र फडणवीस यांनी जाहीर केले. तसेच पालकमंत्री आणि जिल्हाधिकारीही या पूजेला उपस्थित राहतील, असेही आवर्जून देवेंद्र फडणवीस यांनी स्पष्ट केले आहे.
वारकऱ्यांच्या सुरक्षेला सर्वोच्च प्राधान्य!
…म्हणून पंढरपूरला पूजेला न जाण्याचा निर्णय!#विठ्ठल_विठ्ठल #जयहरी #विठ्ठल#Pandharpur #Ekadashi #JaiHari pic.twitter.com/3TUbRXECx7— Devendra Fadnavis (@Dev_Fadnavis) July 22, 2018
पंढरपूरच्या विठ्ठलाच्या वारीची परंपरा 700 वर्षांपासून आहे. या वारी परंपरेला छत्रपती शिवाजी महाराज यांनीही सरंक्षण दिले होते. तर मुख्यमंत्र्यांच्या हस्ते ही पूजा करण्याची परंपरा आहे. मात्र, या पूजेसाठी मुख्यमंत्र्यांना पंढरपूरात येऊ देणार नसल्याची भूमिका मराठा समाजातील आंदोलकांनी घेतली आहे. त्यानंतर, पंढरपूरमधील वारकऱ्यांच्या सुरक्षेचा प्रश्न लक्षात घेऊन मी विठ्ठल पूजेला जाणार नसल्याचे मुख्यमंत्र्यांनी स्पष्ट केले. तसेच मी पूजेला जाणार नाही, पण माझ्या घरी विठ्ठलाची पूजा करेन, असेही फडणवीस यांनी म्हटले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
