मुंबईत गुरुवारी (२५ फेब्रुवारी) पेट्रोलचे दर ९७.३४ रुपयांवर स्थिर होते. तर डिझेलचे दर ८८.४४ रुपये इतके झाले आहेत. राज्यात परभणीमध्ये पेट्रोलचा दर सद्यस्थिती सर्वाधिक ९९.४५ रुपये इतके आहे. तर काहीच दिवसांपूर्वी परभणीतील पेट्रोलच्या किंमतींनी शंभरी देखील पार केली होती. याच पार्श्वभूमीवर, आता राज्यातील ठाकरे सरकार इंधन दरवाढीबाबत मोठा निर्णय घेण्याच्या तयारीत असून राज्यातील नागरिकांना मोठा दिलासा मिळण्याची शक्यता आहे. दोनच दिवसांत राज्याचे अर्थसंकल्पीय अधिवेशन सुरु होणार आहे. यावेळी सरकारकडून याबाबतची घोषणा केली जाऊ शकते.
फडणवीसांनी दिले होते आव्हान
विधानसभेचे विरोधी पक्षनेते देवेंद्र फडणवीस यांनी काहीच दिवसांपूर्वी राज्य सरकारने इंधनावरील दर कमी करून राज्यातील दिलासा द्यावा अशी मागणी केली होती. “शिवसेनेने मोर्चे काढण्याची नौटंकी करू नये. राज्याच्या करापेक्षा केंद्राचा कर जास्त आहे. त्यापेक्षा राज्य सरकारने पेट्रोल डिझेलवरचे टॅक्सेस कमी करावेत आणि भाववाढ नियंत्रणात आणावी. राज्य सरकारने पेट्रोल डिझेलवर कर कमी करून पेट्रोल-डिझेलचे भाव कमी करून दाखवावेत”, असे आव्हान फडणवीसांनी दिले होते. दरम्यान, याच पार्श्वभूमीवर, आता ठाकरे सरकार राज्यातील नागरिकांना दिलासा देण्याचा तयारीत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
