विनोद तायडे
वाशिम – उघड्यावर शौचास बसणाऱ्या दोन ग्रामस्थांची सोमवारची सकाळ पोलीस ठाण्यात गेली. स्वच्छ भारत मिशन (ग्रामिण) अंतर्गत आज मंगरुळपीर तालुक्यातील धानोरा, सनगाव आणि आसेगाव येथे प्रशासनाने कारवाई करत दोघा जणांना पकडले.
मुख्य कार्यकारी अधिकारी गणेश पाटील यांच्या मार्गदर्शनाखाली स्वच्छ भारत मिशनचे उप मुख्य कार्यकारी अधाकारी महेश पाटील यांच्या नेतृत्वात जिल्यातील अनेक गावांमध्ये गुड माॅर्निंगची मोहिम प्रभावीपणे राबविण्यात येत आहे. आज दि 24 रोजी मंगरुळपीर तालुक्यातील धानोरा येथील अशोक राठोड व सनगाव येथील सिताराम भगत अशा दोन युवकांना गुड मार्निंग पथकाने पकडले. त्यांना आसेगाव पोलीस स्टेशन मध्ये नेऊन समज देण्यात आली. यापुढे उघड्यावर शौचास न जाण्याचे व संडास बांधण्याचे लेखी जबाब नोंदवुन पोलीसांनी त्यांची सुटका केली. पथकामध्ये जिल्हा कक्षाचे उप मुकाअ महेश पाटील, अमित घुले,तालुका समन्वयक अभय तायडे यांची उपस्थिती होती
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
