नको त्या आवस्थेत पाहिल्यामुळे भावाने केला बहिणीचा खून

पुणे: अल्पवयीन बहीण एका तरुणासोबत निर्जनस्थळी सेक्स करताना, भावाने पहिले आणि त्याचा राग अनावर होऊन त्याने अर्धनग्न अवस्थेतील बहिणीवर धारदार शस्त्राने तब्बल 40 वार करुन तिचा निर्घृण खून केल्याची घटना पोलिस तपासात उघडकीस आली आहे. याप्रकरणी 19 वर्षीय आरोपी तरुणाला स्थानिक गुन्हे अन्वेषण पथकाने अटक केली आहे. आरोपीने गुन्हयाची कबुली दिल्यानंतर त्यास चाकण पोलिसांच्या स्वाधिन करण्यात आले आहे.

चाकण पोलिसांना काही दिवसांपूर्वी खराबवाडी परिसरात एका निर्जन स्थळी 17 वर्षीय मुलीचा अर्धनग्न अवस्थेतील खुन झालेला मृतदेह सापडला होता. हल्लेखोराने सदर मुलीच्या शरीरावर विविध ठिकाणी तब्बल 40 वार करुन तिचा निर्घृण खून केला होता. याप्रकरणी पोलिसांनी अनेक दिवस तपास करुन ही त्यांच्या हाती आरोपी येत नव्हता. मात्र, याघटनेत कुटुंबातील व्यक्तीचा सहभाग असू शकतो यादृष्टीने तपास सुरु केल्यानंतर मृत मुलीच्या भावाचे वागणे, बोलणे पोलिसांना संशयास्पद वाटले. त्यामुळे त्याचा जबाब नोंदवला असता, त्याने सांगितलेली साक्ष व त्याचे घटनेच्या दिवसाचे मोबाईल लोकेशन यात पोलिसांना तफावत आढळून आली. त्यामुळे त्यास ताब्यात घेऊन त्याच्याकडे सखोल चौकशी केली असता, त्याने बहिणीचा खून केल्याची कबुली दिली.