मुंबई: वयातील तब्बल ८० वर्षांच्या अंतरामुळे निर्माण झालेल्या आबोजा – नातीच्या नात्याला काळिमा फासणारी घटना मुंबईत घडली. कुर्ला येथे एका ९० वर्षांच्या निवृत्त पोस्ट मास्तरने शेजारी राहणाऱ्या दहा वर्षीय बालिकेवर सहा महिन्यांपासून बलात्कार
केल्याचा धक्कादायक प्रकार उघडकीस आला आहे. सावळा कांबळे असे या नराधम आरोपीचे नाव असून त्याला पॉक्सो आणि लैंगिक अत्याचाराच्या गुन्ह्यांत विनोबा भावे नगर पोलिसांनी अटक केली आहे.
कुर्ला परिसरात १० वर्षांची मुलगी कुटुंबीयांसोबत राहते. त्याच परिसरात कांबळे एकमजली घरात राहतो. वरच्या खोलीत मुलगा, सून आणि नातवंडे राहतात. तर खालच्या खोलीत कांबळे एकटाच राहत असे. रंगपंचमीच्या दिवशी कांबळेने पीडित मुलीला घरी बोलावले. तो वृद्ध असल्याने त्याला मदत म्हणून मुलगी घरी गेली. तेव्हा त्याने तिच्यावर लैंगिक अत्याचार केले. याबाबत कुणाकडे वाच्यता केल्यास बदनामीची धमकी दिली. मुलीच्या शांततेचा फायदा घेत कांबळे तिला घरी बोलावून तिच्यावर अत्याचार करत होता.
सोमवारी त्याने मुलीला घरी बोलावले. ती घाबरलेल्या अवस्थेत घरी आलेली पाहून आईने तिच्याकडे विचारपूस केली. तेव्हा तिने कांबळेच्या विकृतीला वाचा फोडली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
