मुंबई | गेल्या अनेक महिन्यांपासून चर्चा सुरू असलेल्या मुंबईतील धोकादायक शौचालये, तूटलेले दरवाजे, लादया यामुळे झोपड़पट्यांमधील नागरिकांची मोठी गैरसोय होत असून या पालिकेचा शौचयाले बांधणीचा कार्यक्रम फेल ठरला होता. पण अखेर चौथ्या बैठकीनंतर 22 हजार शौचकूपे बांधणीला आज पालिका स्थायी समितीची मंजूरी मिळाली आहे. स्वच्छ भारत अभियानाला आता गती मिळणार आहे.
देशाची आर्थिक राजधानी असलेल्या मुंबईत सुमारे दीड कोटी जनता राहत असून या जनतेला पालिका दररोज मुलभूत सेवा सुविधा पुरवत आहे. या नगरीत शौचालये अपुरी आहेत. नव्याने शौचालय बांधनीला गति मिळत नाही. शौचयाले कुठे बांधायची याबाबत नगरसेवकाना विश्वासात घेतले जात नाही. कंत्राटदारांचा महत्त्वाचा प्रतिसाद मिळत नाही. त्यामुळे शौचयाले बांधनीच्या कार्यक्रम फसत आला आहे. आता विभागवार निविदा काढून २२ हजार शौचालयांच्या बांधनीच्या कार्यक्रम पालिके हाती घेणार आहे. पालिकेच्या स्थायी समितीच्या चार बैठका यावरून पहिल्या चांगल्याच गाजल्या होत्या मात्र अखेर या प्रस्तावाला मंजूरी मिळाली आहे.
तर भाजपचे सदस्य प्रभाकर शिंदे यांनी प्रशासनावर भडीमार केला. तर शिवसेनेचे मंगेश सातमकर यांनी तर आपल्या विभागात दोन वर्षापूर्वी तुटलेले शौचयाल अजून बांधले नाही. अशी खंत व्यक्त केली. सपाचे गटनेते रईस शेख, शिवसेनेच्या राजुल पटेल यांनीही प्रशासनाच्या कारभारावर नाराजी व्यक्त केली आहे. चार वेळा हा विषय बैठकीत येणे हे प्रशासनाचे आणि सत्ताधाऱ्यांचे अपयश आहे. प्रशासन सत्ताधारयाना जुमानत नाही हे यातून दिसून येत आहे. एक वर्षात जे झाले नाही ते तीन महिन्यात कसे होणार, असा सवाल पालिका विरोधी पक्षनेते रवी राजा यांनी केला आहे. तर पालिकेच्या वतीने उपायुक्त विश्वास शंकरवार यांनी स्वछ भारत अभियानान्तर्गत शौचयाले बांधणीचा कार्यक्रम वेगाने हाती घेतला जाईल. धोकादायक शौचालयांना प्राधान्य क्रम दिला जाईल. बांधकामे सुरु होतील तेथे पर्यायी सोय म्हणून मोबाईल टॉयलेट उपलब्ध केली जातील, असा विश्वास व्यक्त केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
