मुंबई | मुंबई मध्ये लोकलने प्रवास करणारे प्रवासी यांना बऱ्याचदा कार्यालयीन वेळेत लोकल पकडताना धावपळ होते. त्यातच काही प्रवाशांना ट्रेनमध्ये चढण्याची किंवा उतरण्याची घाई असते. परंतु दरवाज्यावर उभे असलेले प्रवासी बऱ्याचदा लोकल ट्रेन चे दरवाजे बंद करतात.त्यामुळे प्रवाशांना वेळेत कामावर किंवा ईच्छीत ठिकाणी पोहोचण्यास उशीर होतो. अशा प्रवाशांना रेल्वे प्रशासन हिसका दाखवणार आहे. भारतीय रेल्वे प्रशासनानं लोकलचे दरवाजे बंद करणाऱ्या अशा प्रवाशांना गंभीर इशारा दिला आहे. जर लोकलचा दरवाजा बंद केलात आणि तुम्हाला आरपीएफच्या जवानांनी पकडल्यास तुमच्यावर गुन्हाही दाखल होऊ शकतो.
मुंबई पश्चिम रेल्वे प्रशासनानं अशा प्रकारे लोकलचे दरवाजे बंद करणा-या प्रवांशावर नुकतीचं कारवाई केली आहे. पश्चिम रेल्वेनं गेल्या पाच दिवसांत विरार-बोरिवली मार्गावर लोकलचे दरवाजे बंद करणाऱ्या ९४ ते ९५ हून अधिक प्रवाशांवर कारवाई केली आहे. विशेष म्हणजे गेल्या महिन्यात आरपीएफच्या जवानांनी लोकलचे दरवाजे बंद करणाऱ्या जवळपास ८५ प्रवाशांना रंगेहाथ पकडले आहे. तसेच फूटबोर्डावरून प्रवास करणं हासुद्धा एक प्रकारचा गुन्हाच आसुन पश्चिम रेल्वेकडे अशा प्रकारच्या अनेक-तक्रारी आल्या असून, त्या सर्व तक्रारी विरार-बोरिवली मार्गावरील आहेत.
पश्चिम रेल्वेचे मुख्य सुरक्षा आयुक्त ए. के. सिंग म्हणाले कि , दरवाज्यावर उभे राहून अडवणूक करणाऱ्या आणि दरवाजा बंद करणाऱ्या प्रवाशांवर कारवाई करण्यासाठी आम्ही एक विशेष टीम तयार केली आहे. दरवाजा बंद करणाऱ्या टवाळखोर मुलांवर कारवाई करण्यात येणार आहे. तसेच असं काही कृत्य करताना आढळल्यास त्यांच्यावर गुन्हाही दाखल करण्यात येणार आहे. मध्य रेल्वेनंही डोंबिवली, दिवा आणि ठाणे स्टेशनमध्ये अशा २९ प्रवाशांवर कारवाई केली आहे. त्या मुळे या त्रासापासुन प्रवाशांची सुटक होण्यास मदत होईल.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
