मुख्यमंत्री अडचणीत भीडे, एकबोटेंवर कारवाई अशक्य

नवी दिल्ली: मुख्यमंत्री देवेंद्र फडणवीस यांना तीन वर्षाच्या कार्यकाळानंतर सध्या मोठ्या राजकीय संकटाचा सामना करावा लागतोय. भीमा-कोरेगाव हिंसाचाराच्या घटनेनंतर झालेल्या महाराष्ट्र बंदमुळे फडणवीस विरोधकांच्या निशाण्यावर आले आहेत. एवढचे नाही तर पुढचा काळही फडणवीस सरकारसाठी आव्हानांचा असणार आहे.

दलितांनी केलेल्या अप्रत्यक्षपणे शक्तिप्रदर्शनाने भाजप चिंतेत आहे. तसंच आतापर्यंत ग्रामीण भागापर्यंत मर्यादित असलेल्या जातीय वादाने देशाची आर्थिक राजधानी मुंबईला १० तास वेठीस धरले होते. ही आणखी एक चिंता भाजपला पडली आहे. भाजप अध्यक्ष अमित शहा दिवसभर महाराष्ट्राच्या परिस्थितीवर नजर ठेवून होते.

तसंच हे प्रकरण शांततेत मिटवावं, अशा सूचनाही भाजपच्या वरिष्ठ पातळीवरून फडणवीस यांना देण्यात आल्याचं सांगण्यात येते. दरम्यान, भीमा कोरेगाव घटनेतील मुख्य आरोपी भिडे, एकबोटे हे संघाशी निगडीत असल्याने त्यांच्यावर कारवाई होणे कठिण वाटते, त्यामुळे मुख्यमंत्र्यांच्या अडचणीत भर पडणार आहे.