मुंबई | राज्य परिवहन मंडळाच्या ७० व्या वर्धापन दिनानिमित्त रा. प. परळ बसस्थानकावर कार्यक्रम आयोजित करण्यात आला होता. सदर कार्यक्रमाचे उद्घाटन किर्ती महाविद्यालयाचे उपप्राचार्य डि. व्ही. पवार, अध्यक्ष संजय सुपेकर, विभाग नियंत्रक रा. प. मुंबई विभाग प्रमुख पाहुणे अरुण विचारे, विभागीय वाहतूक अधिकारी , रा. प. मुंबई विभाग, रा.प.परळ आगाराचे व्यवस्थापक सचिन चाचरे यांच्या हस्ते झाले.
सदर कार्यक्रमाच्या वेळी उद्घाटक व अध्यक्ष यांनी प्रवाशांना जास्तीत जास्त एसटी बसने प्रवास करण्यासाठी प्रोत्साहन दिले. तसेच एसटी महामंडळाकडून प्रवाशांनी देण्यात येणा-या सुविधा व सवलत योजनांची माहिती दिली. तसेच रा.प. मंडळाच्या ७० व्या वर्धापन दिनानिमित्त वातानुकुलित शिवशाही बसेसमध्ये ६५ वर्षावरील ज्येष्ठ नागरिकांसाठी शिवशाही (आसन व्यवस्था ) बसमध्ये ४५ टक्के व शिवशाही (शयनयान ) बसमध्ये ३० टक्के भाड्यामध्ये सवलत देण्यात आली आहे.
वर्धापन दिनाचे औचित्य साधून आगारातील कर्मचा-यांसाठी यूनिकेअर हेल्थ सेंटर यांच्या वतीने मोफत आयुर्वेदिक वैद्यकिय चिकिस्ता शिबीर घेण्यात आले. तरी संपूर्ण कार्यक्रम उत्तम पार पाडण्यासाठी परळ आगाराचे यू.एम.मोरे, पी.एस बांद्रे, कृष्णदेव शिंदे, राजन येलवे, ए.ए. घाडी व सर्व कर्मचारी परळ आगार यांनी विषेश प्रयत्न केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
