मुंबई | मध्य रेल्वेवर आज (२७ जानेवारी) विशेष मेगाब्लॉक घेण्यात येणार आहे. या ब्लॉक दरम्यान मध्य रेल्वेच्या रुळांची देखभाल आणि ओव्हरहेड वायरच्या दुरुस्तीसह अन्य कामे करण्यात येणार आहे. हा विशेष मेगाब्लॉक माटुंगा ते मुलुंड डाऊन स्लो मार्गावर आज सकाळी ११.२० ते दुपारी ३.५० वाजेपर्यंत घेण्यात आला आहे.
यामुळे मध्य रेल्वेची सकाळी १०.५७ वाजल्यापासून डाऊन स्लो मार्गावरील लोकल माटुंगा स्थानकानंतर अप फास्ट मार्गावर वळवण्याच येणार आहे. या सर्व लोकल सायन, कुर्ला, घाटकोपर, विक्रोळी, भांडुप आणि मुलुंड स्थानकांवरच थांबतील. त्यामुळे विद्याविहार, कांजुरमार्ग आणि नाहूर स्थानकांवरील प्रवाशांना आज अप स्लो मार्गावर म्हणजे घाटकोपर, भांडुप आणि मुलुंड स्थानकांवरून प्रवास करण्याची मुभा असणार आहे.
तर पश्चिम रेल्वेने २६ जानेवारीच्या मध्यरात्री विशेष मेगाब्लॉक घेण्यात आला होता. त्यामुळे आज दिवसभरात कोणताही मेगाब्लॉक घेण्यात येणार नाही. तसेच ट्रान्स हार्बरवरही कोणताही मेगाब्लॉक आज घेण्यात येणार नाही. मध्य रेल्वेच्या विशेष मेगाब्लॉकमुळे काही लोकल रद्द करण्यात आल्या आहेत. ब्लॉकमुळे मध्य रेल्वेची वाहतूक १० ते १५ मिनिटे उशिराने धावणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
