शिवसेनेशी निवडणूकपूर्व युती व्हावी अशी भाजपची इच्छा आहे परंतु शिवसेनेला युती करायची नसेल तर आमची काही हरकत नाहीय. असे नमूद करत भाजप हे येणाऱ्या २०१९ च्या निवडणुकांना पूर्ण ताकदीने सामोरे जाईल असा विश्वास अर्थमंत्री सुधीर मुनगंटीवार यांनी सोमवारी व्यक्त केला.

मुनगंटीवार यांच्या वक्तव्यानंतर शिवसेना भाजपच्या युतीवर पुन्हा एकदा प्रश्नचिन्ह उभे राहिले आहे. पण भाजपचे सुधीर मुनगंटीवार यांनी एकदा हे स्पष्ट केले होते कि सामनामध्ये काहीही लिहिले गेले तरी पुढची निवडणूक युती म्हणूनच निवडणार, आणि एवढे असून सुद्धा भाजप शेवटी नाक घासत शिवसेनेसोबत यनिवडणूक लढवायला तयार झाले होते

मग आता माझा भाजप आणि शिवसेनेला प्रश्न आहे की तुम्ही जबाबदार राजनैतिक पक्ष म्हणून जनतेला काय दिलेत. भाजप आणि शिवसेनेची हि युती जी एकेकाळी लोकांसाठी होती ती आता फक्त वोट बँक साठी मर्यादित राहिली आहे. कधी आहे तर कधी नाही, आज आहे तर उद्या नाही अश्या प्रकारच्या या युतीचा अंतिम निकाल लागेल का?

की हा राजकारणाच्या नावाखली चालू असलेला पोरखेळ असाच सुरु राहील? पण एक मात्र नक्की २०१९ च्या निवडणुका तोंडावर असताना जर हे दोन्हीही पक्ष विकासाच्या एवजी आपसामधेच वोट बँक चा राजकारण खेळत आहेत हे मतदारानाही दिसत आहे आणि २०१९ च्या येणाऱ्या लोकसभा निवडणुकीत याचा परिणामदेखील लवकरच दिसेल.