मुंबई | छत्रपती शिवाजी महाराज टर्मिनस (सीएसएमटी) जवळील हिमालया पादचारी पूल गुरुवारी सायंकाळी साडे सातच्या सुमारास कोसळला. या दुर्घटनेत ६ जणांचा मृत्यू झाला असून ३१ जण जखमी झाले आहेत. जखमींवर सेंट जॉर्ज, जी. टी., जे. जे.रुग्णालयात उपचार सुरू आहेत. या दुर्घटनेनंतर पादचारी पुलालाखालून जाणारी वाहतूक बंद करण्यात आली होती. सीएसएमटी लगतचा डी. एन. रोड वाहतुकीस तब्बल ३६ तासानंतर वाहतुकीसाठी खुला करण्यात आला आहे.
गुरुवारी पूल कोसळताच दादाभाई नौरोजी मार्गावरील वाहतूक जे. जे. उड्डाणपूल आणि सीसीएमटी या दोन्ही बाजूची वाहतूक बंद करण्यात आली होती. दिवसभर पुलाचे पाडकाम सुरू असल्याने या मार्गावरील वाहतूक अन्य मार्गावर वळविण्यात आली होती. दरम्यान, दुर्घटनाग्रस्त पादचारी पुलाचा लोखंडी सांगाडा शुक्रवारी (१५ मार्च) रात्री साडेआठच्या सुमारास जमीनदोस्त करण्यात आला. कटरच्या साह्याने लोखंडी सांगाडा कापून तो जंबो क्रेनद्वारे खाली उतरवण्यात आला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
