मुंबई : लंडनचे राजकुमार प्रिन्स हॅरी व हॉलिवुड अभिनेत्री मेगन येत्या १९ मे ला विवाह बंधनात अडकणार आहेत. या विवाह सोहळ्याचे औचित्य साधून मुंबईचे डबेवाले मुंबईत मिठाई वाटणार आहेत. मुंबईच्या डबेवाल्यांचे लंडनच्या राजघराण्याशी वेगळे नाते आहे. यापूर्वी देखील डबेवाल्यांशी असलेल्या भावनिक नातेसंबंधांचे भान ठेऊन लंडनच्या राजघराण्याने प्रिन्स चार्ल्स यांचे लग्नात मुंबईच्या डबेवालांना लंडनला बोलावले होते. डबेवालेही त्या शाही सोहळ्यासाठी उपस्थित राहीले होते. डबेवाल्यांचे योग्य ते आदिरातित्थ लंडनच्या राजघराण्याने केले होते.
मुंबईच्या डबेवाल्यांनी सुरु केलेल्या रोटी बॅन्कच्या माध्यमातून अनेक भुकेलेल्या लोकांना मोफत अन्न वाटप केले जाते. पण १९ तारीखेला प्रिन्स हॅरी व मेगन यांच्या विवाह निमीत्त भुकेलेल्यांना डबेवाल्यांच्या वतिने रोज च्या अन्ना सोबत गोड (मिठाई) देवून त्यांचे तोंड गोड केले जाईल अशी माहिती मुंबई डबेवाला असोसिएशनचे प्रवक्ते सुभाष तळेकर यांनी दिली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
