मुंबई | मुंबईचे डबेवाले गेली १२८ वर्षे मुंबई शहरात जेवणाचे डबे पोहचविण्याचे काम करत आहेत. सायकल च्या मदतीने घरोघरचे जेवणाचे डबे हे डबेवाले जमा करतात आणि ते डबे रेल्वे स्थानकात घेऊन योतात. मग या डब्यांची रेल्वे स्थानकाबाहेरील काही ठराविक जागी डब्यांची अदला बदल केली जाते. यातल्या काही जागा तर जवळ जवळ शंभर वर्षांपासून मुंबईचे डबेवाले वापरत आहेत. पण कोणत्याही जागेवर डबेवाल्यांनी अद्याप अतिक्रमण केलेले नाही.
परंतु कांदिवली पश्चिम येथील कमला नेहरू मार्ग फुटपाथवर गेल्या अनेक वर्षांपासून डबेवाल्यांची बदलीची जागा होती. सध्या या फुटपाथवर अनधिकृत मोटार सायकल पार्क केल्या जात असल्याचे पहायला मिळत आहे. त्यामुळे डबेवाल्यांची बदलीची जागाच त्यांनी बळकावली असल्याचा आरोप मुंबईच्या डबेवाल्यांकडून होत आहे. डबेवाल्यांनी याची तक्रार वहातूक पोलीस विभाग कांदिवली यांच्याकडे केली असता त्यांनी सांगितले गाड्या फुटपाथवर पार्क केल्या आहेत आम्ही कारवाई करू शकत नाही. तसेच या गाड्यांवर कारवाई फक्त मुंबई महानगर पालिका करू शकते. या गाड्या हटवायच्या असतील तर मुंबई महानगर पालिकेकडे तुम्ही तक्रार करा. अशा प्रकारे वहातूक पोलिसांनी मुंबईच्या डबेवाल्यांना उडवाउडवीची उत्तरे दिल्याची माहिती प्राप्त झाली आहे.
मुंबई शहरात फुटपाथवर गाड्या पार्क केल्या असल्या व त्यांची तक्रार आली तर वहातूक विभागाकडून तात्काळ कारवाई केली जाते. मग मुंबई उपनगरात ही कारवाई वहातूक पोलिस का करत नाहीत ? या प्रकरणात अनधिकृत मोटार सायकल पार्क केलेल्या मोटार सायकल ह्या बहुतांश पोलिसांच्याच आहेत.(किमान तसे स्टिकर त्यांचेवर लावले आहेत.) म्हणुन वहातुक पोलिस कारवाई करत नसावेत. मग आता आम्ही याची दाद मागायची कुणाकडे असा सवाल मुंबई डबेवाला असोसिएशनचे प्रवक्ते सुभाष तळेकर यांनी माध्यमांशी बोलताना उपस्थित केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
