मोटरमेनच्या या आंदोलनामुळे मध्य रेल्वेच्या पाचशे ते सहाशे फेऱ्या त्या दिवशी रद्द कराव्या लागणार आहेत. त्यामुळे एेन सणासुदीत प्रवाश्यांना नाहक त्रास सहन करावा लागू शकतो. रेल्वे प्रशासनाने आमची बाजू ऐकून न घेतल्यास हे आंदोलन अधिकच तीव्र करण्याचा इशारा मोटरमेन्स संघटनेने दिला आहे.

मध्य रेल्वे मध्ये सध्या २३१ मोटरमेनच्या जागा भरल्या गेल्या नाहीत. त्यामुळे मोटरमनला दहा ते बारा तास काम करावे लागते. ओव्हरटाईम हा नित्याचाच झाला आहे. त्यामुळे अनेक जण तणावात काम करत आहेत. अश्या स्तिथीत ही रेल्वे प्रशासन मोटरमेनच्या अडचणी समजूत घेत नसल्याने येत्या १५ ऑक्टोबर पासून मोटरमन संघटनेने असहकार आंदोल करण्याचा निर्णय घेतला आहे असे तळेकर यांनी स्पष्ट केले. मोटरमेनच्या छोट्या छोट्या चूकांवर नोकरी वरून काढण्याची कारवाई केली जाते. आतापर्यंत १३ जणांवर ही कारवाई सुरु असून वि .जी. नायर या मोटरमनला प्रशासनाने काढून टाकले आहे अशी माहिती तळेकर यांनी दिली. आंदोलनामुळे रेल्वे प्रशासन आणि मोटरमेन संघटनेत संघर्ष अटळ आहे.