मुंबई | कांदिवली पूर्वे येथील दामू नगर परिसरातील जीन्स फॅक्टरीला रविवारी (२३ डिसेंबर) भीषण आग लागल्याची घटना घडली होती. या आगीत चार जणांचा मृत्यू झाला आहे. ही आग विझल्यानंतर अग्निशमन दलाच्या जवानांना चार जणांचे मृतदेह सापडले आहेत. ४ फायर इंजिन आणि ४ वॉटर टँकरच्या सहाय्याने ही आग विझवण्यात आली होती. त्यावेळी जीवितहनीची झाली नसल्याची माहिती समोर आली होती. परंतु आग विझल्यानंतर अग्निशमन दलाला चार मृतदेह सापडल्याची माहिती मिळाली आहे.
Mumbai: Level-2 fire breaks out in a cloth factory at Damu Nagar near MIDC bus stop in Kandivali (East). Four fire tenders present at the spot. #Maharashtra pic.twitter.com/O2wow42eLz
— ANI (@ANI) December 23, 2018
रविवारी गोदामांना आग लागल्याची माहिती मिळताच अग्निशमन दलाचे जवान घटनास्थळी दाखल झाले होते. जवानांच्या प्रयत्नानंतर काही वेळातच आगीवर नियंत्रण मिळवण्यास जवानांना यश आले होते. परंतु ही आग विझवल्यानंतर चार जणांचे मृतदेह सापडले आहेत. राजू विश्वकर्मा (३०), राजेश विश्वकर्मा (३६), भावेश पारेख (५१), सुदामा लल्लनसिंग (३६) अशी मृत्यू झालेल्या व्यक्तींची नावे आहेत. हे चार ही जण गोदामात काम करणारे कर्मचारी असून काम करताना अचानक आग लागल्यामुळे गुदमरून त्यांचा मृत्यू झाल्याची शक्यता वर्तवण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
