मुंबई | मुंबईसह उपनगरात रविवारी रात्रीपासून पावसाचा जोर आहे. दक्षिण मुंबईसह पूर्व आणि पश्चिम उपनगरांमध्ये जोरदार पाऊस असल्यामुळे ठिकठीकाणी पाणी जमले आहे. सध्या कल्याण, डोंबिवली, अंबरनाथमध्ये मुसळधार पाऊस सुरू आहे. येत्या 24 तासांत मुसळधार पावसाचा अंदाज हवामान खात्या कडून वर्तविण्यात आला आहे.
Maharashtra: Rain lashes parts of Mumbai. Visuals from Santacruz – Chembur Link Road. pic.twitter.com/Nx2JVgZTvz
— ANI (@ANI) July 8, 2018
शहराच्या माटुंगा, दादर, वरळी, लालबागमध्ये पावसाची रिमझिम सुरू असल्यामुळे सखल भागात पाणी साचल्याचे पहायला मिळत आहे. पश्चिम उपनगरात मात्र पावसाचा जोर पहायला मिळत आहे. वांद्रे, अंधेरी, जोगेश्वरी, दहिसरमध्ये जोरदार पाऊस सुरू आहे. तुर्तास पश्चिम रेल्वेची सेवा सुरळीत आहे. मुलुंड, घाटकोपरमध्येही रिमझिम पाऊस आहे. मात्र ठाणे, भिवंडी, कल्याण, डोंबिवली, अंबरनाथमध्ये पावसाची तुफान पाऊस सुरू असल्याची माहिती प्राप्त झाली आहे. नवी मुंबईतही जोरदार पाऊस सुरू असून येत्या 24 तासांत मुसळधार पावसाचा अंदाज वर्तवण्यात आला आहे. तसेच मुंबई, ठाणे, रायगड, पालघरमध्ये येत्या 24 तासात जोरदार पाऊस होण्याची शक्यता आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
