मुंबई | एमआयएमचे अध्यक्ष आणि हैदराबादचे खासदार असदुद्दीन ओवैसींवर मुंबईतील नागपाडा येथील सभेत चप्पल फेकण्याची घटना घडली आहे. ओवैसी यांनी तीन तलाक विरोधात बोलत असताना, त्यांच्या दिशेने कोणीतरी चप्पल फेकण्याचा प्रयत्न केला. यानंतर सभेत गोंधळाचे वातावरण निर्माण झाले होते. त्यामुळे ओवैसींनी तात्काळ भाषण थांबवले.
तीन तलाक विधेयक संसदेत रखडल्यामुळे निराश लोकांकडून हा हल्ला झाला असून सरकारच्या तीन तलाक हा निर्णय मुस्लीमांनी स्वीकारला नाही. पण, मी लोकहितासाठी लढणारा नेत आहे. अशाप्रकारे द्वेष करणाऱ्या माणसांना मी घाबरत नाही. अशा हल्ल्यांनी माझा आवाज दाबला जाऊ शकत नाही’ असे बोलून ओवैसींनी पुन्हा भाष सुरु केले.
ही घटना घडल्यानंतर पोलिसांनी सभेत तात्काळ बंदोबस्त वाढवून परिस्थितीवर नियंत्रण मिळवले. पण, ओवैसींवर कोणी चप्पल फेकली हे अद्याप ही समजू शकलेले नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
