मुंबई | सालाबादाप्रमाणे यंदाही दादरच्या शिवाजी पार्क परिसरात असलेल्या महापालिका मैदानात स्वदेशी आर्ट अँड क्राफ्ट फेस्टिवलचे आयोजन करण्यात आले आहे. 24 एप्रिल ते 13 मे दरम्यान भरविण्यात आलेल्या या फेस्टिवलमध्ये विविध प्रकारच्या स्वदेशी बनावटीच्या वस्तू विक्रीसाठी ठेवण्यात आल्या आहेत. यामध्ये विविध प्रकारचे बिस्तारे, रजाई, मातीची भांडी आदि वस्तू पहायला मिळत आहेत.
प्रदर्शनात मांडण्यात आलेली शोभेची रंगीत फुले प्रदर्शनात मुख्य आकर्षण ठरत आहेत. देशातल्या कारागिरांच्या कलागुणांना वाव देण्यासाठी महाराष्ट्राची अर्थिक राजधानी असलेल्या मुंबई शहरात विविध प्रदर्शनांचे वर्षभर आयोजन करण्यात येते परंतु या प्रदर्शनात असलेले अनेक वस्तू ग्राहकांचे लक्ष वेधून घेत आहेत. जुटचे टेबल, बांबूच्या फुलदाण्या, चंदेरी साड्या, चिकनच्या कुर्ती, आयुर्वेदातील विविध प्रकार, विविध प्रकारचे मुखवास, कोलकता च्या शांतीनिकेतनच्या सुप्रसिद्ध बॅगा खरेदीसाठी मुंबईकर विषेश गर्दी करताना दिसून येत आहेत.
अगदी 60 रुपयांपासून हजारो रुपये किंमतीच्या विविध वस्तू प्रदर्शनात ठेवण्यात आल्या आहेत. महाविद्यालयातल्या तरुणींसाठी खास वैशिष्ट्य पूर्ण नक्षीकाम केलेल्या कुर्ती किंमतीने महाग असल्या तरीही तरुणींचा खरेदीकडे कल असल्याचे दिसून येत आहे. तर स्वदेशी वस्तूंचे उत्पन आणि पारंपारिक कलेची जपणूक व्हावी म्हणून सरकारने अर्थिक सह्या करावे आणि आमची कला जगभर पोहचवावी असे मत कारागिर व्यक्त करत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
