मुंबई | परळ येथील आर.एम. भट हायस्कूलला रविवार, 2 सप्टेंबर रोजी शंभर वर्षे पूर्ण झाले. या निमित्ताने शनिवारी, 1 सप्टेंबरला शाळेचा शताब्दी सोहळा साजरा करण्यात आला. यावेळी शिवसेना पक्षप्रमुख उद्धव ठाकरे, खासदार संजय राऊत, खासदार अरविंद सावंत, मुंबई विद्यापीठाचे कुलगुरू डॉ. सुहास पेडणेकर, गोखले एज्युकेशनचे सचिव एम. एस. गोसावी यांची प्रमुख उपस्थिती असणार आहे.

लालबाग-परळसारख्या कामगार विभागातील कित्येक पिढ्यांना ज्ञानदान करणारे गोखले एज्युकेशन सोसायटीचे आर.एम.भट हायस्कूल स्वातंत्र्यपूर्व काळात 1917 साली सुरू झाले. या शाळेच्या माजी विद्यार्थ्यांनी एकत्र येऊन ‘गुरूदक्षिणा माजी विद्यार्थी संघ’ स्थापन केला असून या माध्यमातून गेल्या काही वर्षांपासून शाळेत विविध उपक्रम राबविले जात आहे. यंदा शाळेच्या शंभर वर्षानिमित्त सर्व माजी विद्यार्थी तसेच शाळेने मिळून एका विशेष सोहळ्याचे आयोजन केले होते. जास्तीत जास्त आजी-माजी विद्यार्थी, पालकांनी या कार्यक्रमाला उपस्थित दर्शवली होती. यावेळी आवाहन गुरूदक्षिणा माजी विद्यार्थी संघाच्या अध्यक्षा प्रतिमा जोशी तसेच मुख्याध्यापिका जी. एस. कांबळे देखील उपस्थित होत्या.

फळ्याच्या काळ्या रंगाने आयुष्यात प्रकाश पाडला – उद्धव ठाकरे

आर.एम.भट हायस्कूलच्या शताब्दी सोहळा साजरा करण्यात आला. यावेळी फळ्याचा रंग बदलला तरी शाळेचे शिक्षण तेच राहणार आहे. आणि काळ्या रंगाचे फळे हिरवे झाले असले तरी काही लोक काळ्या रंगाच्या फळ्यांना अशुभ मानायचे, पण याच काळ्या रंगाने आपल्या सर्वांच्या आयुष्यात प्रकाश पडला आहे. असे वक्तव्य उद्धव ठाकरे यांनी व्यासपीठावर केले.

परळ विभागातील जुन्या संस्थांचा सत्कार

कार्यक्रमाला उपस्थित राहणाऱ्या मान्यवरांच्या हस्ते परळ विभागातील जुन्या संस्थांचा आर.एम. भट शाळेच्या वतीने गौरव करण्यात आला. यात वैद्यकीय, शैक्षणिक, कला आणि सामाजिक क्षेत्रातील अनेक नामांकित संस्थांचा समावेश होता. तसेच विविध क्षेत्रांत उत्तुंग कामगिरी करणाऱ्या शाळेच्या माजी विद्यार्थ्यांचाही ‘आर.एम.भट रत्न’ या पुरस्काराने याप्रसंगी सन्मान करण्यात आला.