वाराणसी । सासू-सून म्हटले की आठवताती त्यांच्यातील भांडणे-वाद हे काही आपल्या सर्वांसाठी नवीन नाही. प्रत्येक मुलगी लग्न करताना आदर्श सासूची अपेक्ष करते हे तर सर्वांनाच माहिती आहे. लग्ननंतर मात्र या सासूचे स्वप्न भंगते. परंतु आता हे चित्र बदलणार आहे बरे का? आता ते कसे तर वाराणसीतील काशी हिंदू विद्यापीठाच्या आयआयटी विभागाकडून मुलींना ‘आजर्श सून’ बनविण्यासाठी चक्क प्रशिक्षण देणार आहे. या प्रशिक्षणासाठी मुलींना तीन महिन्याचा कोर्सपुर्ण करावा लागणार आहे.

खासगी संस्था आणि डॉटर्स प्राईड-बेटी मेरा अभियाना अंतर्गत हा कोर्स तयार करण्यात आला आहे. या तीन महिन्याच्या कोर्समध्ये मुलींना आत्मविश्वास, कौशल्य, समस्या सोडविण्याचे कौशल्य, तणावाच्या प्रसंगी दाखविले जाणारे गुण, कम्प्युटरस आणि फॅशनची माहिती देण्यात येणार आहे. त्याचबरोबर लग्नाचे कौशल्य आणि सामाजिक गुण शिकविले जाणार आहेत.

जगासमोर हे एक उत्तम उदाहरण बनू शकते. यासाठी लवकरच विभागाकडून विद्यार्थिनींची निवड करुन तयारी सुरू केली जाणार असल्याची माहिती यंग स्किल्ड इंडियाचे सीईओ नीरज श्रीवास्तव यांनी सांगितले आहे. तसेच वनिता इन्स्टिट्यूट ऑफ फॅशन डिझाईनमध्ये या कोर्सची सुरुवात केली जाणार आहे.