पुणे- विचित्र वागण्याची पुणेकरांची ख्याती आहे. यावेळी मात्र त्यांनी नीचपणाचा कळस गाठला आहे. भटक्या कुत्र्यांना चक्क जीवंत जाळून टाकण्यात आले आहे, तर १६ कुत्र्यांवर विषप्रयोग करून ठार करण्यात आले आहे. या प्रकारामुळे प्राणी प्रेमींना पुणेकरांबाबत नाराजी व्यक्त करून दोषींवर कठोर कारवाईची मागणी केली आहे. पॅनकार्ड रोडवरील बानेर वस्तीमध्ये हा प्रकार घडला आहे.

एनजीओच्या सदस्यांना बानेर जवळच्या झुडपांमध्ये कुत्र्यांचे सापळेही सापडले. त्यामुळे यापूवीर्ही या परिसरात मोठया प्रमाणावर भटक्या कुत्र्यांना ठार मारण्यात आले आहे. एएसीटी इंडियाच्या सदस्यांनी पुणे पोलिसांना या घटनेची माहिती दिली. 28 सप्टेंबरला पुणे पोलिसांनी घटनास्थळी जाऊन पंचनामा केला. कुत्र्यांचे शवविच्छेदन अहवाल मिळाल्यानंतर बुधवारी एफआयआर दाखल करण्यात येईल. एएसीटी इंडियाच्या सदस्यांनी कुत्र्यांबरोबर झालेल्या या अमानुष कृत्याबद्दल परिसरातील नागरीकांशी चर्चा केली. त्यावेळी तिथल्या लोकांनी घटनास्थळाजवळ असलेल्या आॅफीसकडे बोट दाखवले. त्या आॅफीसशी संबंधित असलेल्या काहीजणांनी चार कुत्र्यांना रशीने बांधले. त्यांना 50 मीटरपर्यंत फरफटत नेले तिथे त्या कुत्र्यांच्या अंगावर पेट्रोल ओतून त्यांना पेटवून दिले. कुत्र्यांचे मृतदेह जळून राख झाले होते. फक्त हाड आणि कवटीकडचा भाग सापडला. हेच अवयव शवविच्छेदनासाठी पाठवले आहेत. जेव्हा या कुत्र्यांना खेचून आणले तेव्हा ते मृतावस्थेत होते की, बेशुद्धावस्थेत त्याची खात्री नसल्याचे काही जणांनी सांगितले. या परिसरात आतापर्यंत २१ कुत्र्यांचे मृतदेह सापडले आहेत.