मुंबई | दादर येथील सानेगुरुजी शाळेबाहेरील रस्त्यावर वाढलेल्या वृक्षांची छाटणी करण्यासाठी आलेल्या बृहन्मुंबई महानगर पालिकेच्या कर्मचाऱ्यांनी भर पावसात जीवाची पर्वा न करता त्यांचे काम सुरूच ठेवले. आजू बाजूच्या इमारतीमधील रहिवाश्यांनी हातात छत्री घेऊन स्वतःची पावसापासून काळजी घेत त्यांचे काम बघण्यासाठी गर्दी करून एकाही व्यक्तीला त्यांची दया आली नाही उलट त्या कर्मचाऱ्यांना खडे बोल सूनवण्यासाठी एकही संधी रहिवाश्यांनी सोडली नाही.
लोकांच्या मनात एकच विचार होता तो म्हणजे ‘भरघोस पगार घेतात ना हे कर्मचारी मग भिजून काम करतात ते मेहेरबानी नाही करत.’ वास्तविक २०-२५ हजार प्रतिमहा मिळणाऱ्या पगाराने जीव नाही विकत मिळत हे अश्या लोकांना न समजणे म्हणजे ही लोक किती मूर्ख आहेत हे कळते. भिजणाऱ्या त्या सर्व कर्मचाऱ्यांचा देखील जीव आहे मग जर ते आपला जीव झाडांपासून वाचवत असतील तर त्यांना किमान एक कप चहा आपण नाही देऊ शकत का ?
बृहन्मुंबई महानगर पालिका जी उत्तर विभाग , वृक्ष छाटणी विभागाचे अधिकारी अमित करंदीकर आणि त्यांचे कर्मचारी साने गुरुजी शाळेबाहेर वाढलेल्या वृक्षाच्या फांद्यांची छाटणी करत होते त्यावेळी सामाजिक कार्यकर्ते प्रशांत जनार्दन पळ यांनी साने गुरूजी शाळेतून चहा आणि बिस्कीटची व्यवस्था या कर्मचाऱ्यांनसाठी केली. यावेळी सर्व कर्मचाऱ्यांनी साने गुरुजी शाळेचे आभार मानले. यावेळी जी उत्तर विभागाचे सहाय्यक आयुक्त अशोक खैरनार यांनी शाळेचे मनःपूर्वक आभार मानले. तसेच कृपया सर्व नागरिकांनी आपल्या पालिका कर्मचारी, पोलीस कर्मचारी, अग्निशमन दल कर्मचाऱ्यांना सहकार्य करावे अशी विनंती देखील केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
