मुंबई | कुख्यात अडरवर्ल्ड डॉन दाऊद इब्राहिमच्या पुतण्या आणि इक्बाल कासकरचा मुलगा रिझवानला खंडणीखोरी प्रकरणी मुंबई पोलिसांनी विमानतळावरून ताब्यात घेतले आहे. मुंबई विमानतळावर बुधवारी (१७ जुलै) रात्री पोलिसांकडून ही कारवाई करण्यात आली होती. रिझवान देश सोडून जाण्याचा प्रयत्न करत असताना खंडणीविरोधी पथकाने ही कारवाई केली आहे.
Mumbai Police Anti-Extortion Cell arrested Dawood Ibrahim’s brother, Iqbal Kaskar’s son Rizwan from Mumbai airport, last night. pic.twitter.com/Fc3YFYNYVY
— ANI (@ANI) July 18, 2019
दोन दिवसांपूर्वीच पोलिसांनी अहमद रझा वधारिया याला अटक केली होती. दाऊदच्या टोळीचा खंडणीखोर फहीम मचमच याचा तो जवळचा साथीदार असल्याची माहिती गुन्हे शाखेच्या वरिष्ठ अधिकाऱ्यांनी सांगितले. वधारियाच्या चौकशीदरम्यान रिझवानचे नाव पुढे आले होते. यानंतर गुन्हे शाखेने दिलेल्या माहितीनुसार रिझवान देश सोडून जाण्याचा प्रयत्न करत असल्याची माहिती कळताच गुन्हे शाखेने मुंबई विमानतळावर सापळा रचत त्याला अटक केले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
