मुंबई: काही दिवसांपूर्वी कल्याणजवळ रेल्वे रुळावर एका मुलीचा आणि एका मुलाचा मृतदेह आढळला होता. या आत्महत्येचे गूढ उकलले असून धक्कादायक बाबी समोर आल्या आहेत. आत्महत्या केलेल्या मुलीने वसतिगृहातील आपल्या रुममेट्सचे नग्न छायाचित्र काढून प्रियकराला पाठवले होते. ही बाब उघड झाल्याने पोलिसी कारवाईपासून वाचण्यासाठी त्यांनी आत्महत्येचे पाऊल उचलले असल्याचे स्पष्ट झाले आहे. आत्महत्या केलेल्या सुरेश शिंदे आणि वृषाली लांडे यांच्यात प्रेमप्रकरण सुरू होते. सुरेश शिंदे हा एका खासगी दवाखान्यात काम करत होता. तर, वृषाली सेंट जॉर्ज रुग्णालयात नर्सिंगचे शिक्षण घेत होती.
सुरेश शिंदेच्या सांगण्यावरुन वृषालीने रुममेट्स असणाºया दोन मुलींचे नग्न छायाचित्र काढून त्याला पाठवले. सुरेश व वृषालीमधील मेसेज संबंधित तरुणीने २१ सप्टेंबर रोजी वाचले. त्यानंतर आपले नग्न फोटो वृषालीने पाठवले असल्याची धक्कादायक बाब त्यांना समजली. याचा जाब त्या दोघींनी वृषालीला विचारला. आपण हे सुरेशच्या सांगण्यावरून कृत्य केले असल्याची कबुली वृषालीने दिली होती. या दोघींनीही वृषालीकडे कबूली लिखित स्वरुपात मागितली आणि सुरेशसोबत संबंध तोडण्यास सांगितले. मात्र, दोन दिवसानंतर वृषाली आणि सुरेश यांच्यात पुन्हा संवाद सुरू झाला. त्यामुळे पीडित मुलींनी पोलिसांमध्ये त्या प्रकरणाची तक्रार करण्याची धमकी दिली. त्यानंतर वृषाली वसतिगृहाच्या बाहेर पडली. सायंकाळी सात वाजेपर्यंत वृषाली वसतिगृहावर पुन्हा न परतल्याने आणि संपर्क होत नसल्याने वसतिगृह अधिकाºयांनी पोलिसांना याची सूचना दिली. वृषाली आणि तिचा प्रियकर सुरेश यांचा मृतदेह २३ सप्टेंबर रोजी कल्याणजवळ आढळला होता. त्यानंतर पोलिसांनी केलेल्या तपासात वृषाली आणि सुरेश यांच कृत्य समोर आले. तपासादरम्यान पोलिसांना वृषालीने आत्महत्येपूर्वी लिहीलेली चिठ्ठी मिळाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
