मुंबई | महाराष्ट्र राज्य राष्ट्रीय कामगार संघा तर्फे आज ओला-उबेर कंपनी करत असलेल्या, मनमानी कारभारा विरोधात कुर्ला फिनिक्स मॉल परिसरात आंदोलन करण्यात आले आहे. यावेळी २५० ते ३०० ओला उबेर चालक-मालक आंदोलनात सहभागी झाले. यावेळी त्यांनी सरकार विरोधात आणि ओला उबेर कंपनी विरोधात घोषणाबाजी केली.
या आंदोलनामध्ये जास्तीत जास्त ओला उबेर चालक यांनी सहभाग घ्यावा असे महाराष्ट्र राज्य राष्ट्रीय कामगार संघाचे सरचिटणीस गोविंदराव माहिते यांनी चालकांना सांगितले. तसेच जो पर्यंत मागण्या पूर्ण होत नाही तो पर्यंत कोणीही रस्त्यावर ओला उबेर चालवणार नाही. असा निर्णय देखील घेण्यात आला. कंपनीने दिलेल्या आश्वासनाना आणि हमी ना कंपनी प्रामाणिक राहिली नाही. त्यामुळे ओला उबेर चालक व मालक यांचे मोठया प्रमाणात हाल होत आहेत. त्यांनी घर कसं चालवाव ? हा प्रश्न त्यांना पडला आहे. त्यामुळे कंपनीच्या मनमानीला कंटाळून हे आंदोलन बेमुदत व मंत्रालयाच पर्यंत नेण्यात येईल असा ईशारा देखील ओला उबेर चालकांनी दिला आहे.
काही कंपनी मागण्या आहेत त्या मान्य कराव्या त्यांनंतरच आम्ही गाड्या रस्त्याला लावू असे या आंदोलनात सांगण्यात आले. कंपनीच्या व बँकांच्या त्रासाला कंटाळून मागच्या काही दिवसात एका उबेर चालकाने आत्महत्या केली. कंपनी आमच्यावरही ही वेळ आणेल अस दिसतंय त्यामुळे आम्ही आमचा मागण्यासाठी हे आंदोलन करत आहोत असं एका चालकाने सांगितले.
काय आहेत नेमक्या मागण्याखालीलप्रमाणे
- पेट्रोल /डिझेल/सीएनजी वाढत्या किमती नुसार भाड्या मध्ये चाड उतार व्हावे.
- बेस रेट गो सेगमेंट १०० प्रति की मी १८ रुपये लावावा.
- बेस रेट सिडन १०० प्रति की मी २०
- बेस रेट एस यु व्ही १५० प्रति की मी २३
- न्यु कॅब अटेचमेन्ट बंद करावे
- पार्टनर कॅब आणि लीज कॅब याना एकसारखे बिसनेस द्यावे
- गॅरेजला गेलेली लीज कॅब दैनिक माफ व्हावी
- लीज कॅब चा ममेंटनान्स पूर्णपणे कंपनीने द्यावा
- कस्टमर कॉम्प्लेइंट एकतर्फी ऐकून ब्लॅक लिस्ट करणे बंद करावे.
- कस्टमर चा व्हेरिफिकेशन झालेल्या नंबर वरूनच गाडी बुकींग व्हावी.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
