नवी दिल्ली | भारतीय क्रिकेट टीमचे माजी कर्णधार महेंद्र, वीरेंद्र सेहवाग आणि गौतम गंभीर हे तिघेही दिग्गज फलंदाज आगामी लोकसभा निवडणुकीच्या मैदानात उतरणार असल्याच्या जोरदार चर्चा रंगल्या आहेत. गेल्या काही दिवसांपासून सेहवाग आणि गंभीर यांनी भाजप सरकारच्या समथनार्थ ट्विटने सर्वाचे लक्ष वेधून घेतले आहेत. परंतु, धोनीचे नाव या यादीत आल्याने त्याच्या चाहत्यांमध्ये गोंधळ निर्माण झाला आहे. कारण धोनी आजही क्रिकेटमध्ये यशस्वी इनिंग्ज सुरू आहे. त्यामुळे धोनी राजकारणाच्या पिचवर कशासा काय उतरेल?, असा प्रश्न करत धोनीच्या चहात्यांकडून केला जात आहे.

पुढच्या वर्षी क्रिकेट विश्वचषक स्पर्धा इग्लंडमध्ये होणार असून यात धोनीने विश्वचषक खेळण्याचे स्वप्न डोळ्यासमोर ठेवले आहे. धोनीकडे सध्या संघाचे कर्णधारपद नसले, तरी तोच पडद्यामागचा सूत्रधार असल्याचे क्रिकेटज्ञांनी म्हटले आहे. हे विराट कोहली देखील मान्य करतो. कोहलीवर जेव्हा दडपण येते तेव्हा कॅप्टन कूल धोनीच त्यांच्या मदतीला धावून येत असल्याचे साऱ्यांनी पाहिले आहे. त्यामुळे फक्त धोनीलाच हा विश्वचषक खेळायचा नाही, तर संघ व्यवस्थापनालाही धोनी संघात हवा आहे. मग तो अचानक निवडणुकीच्या मैदानात कशाला उतरणे असा सवाल उपस्थित राहत आहे. काही दिवसांपूर्वी भाजपचे अध्यक्ष अमित शहा यांनी धोनीची भेट घेतली होती. त्यावेळी या चर्चांना उधाण आले होते. परंतु, ती निव्वळ सदिच्छा भेट होती, त्याचा अर्थ २०१९च्या निवडणुकीशी जोडणे योग्य नाही, असे राजकीय जाणकारांनाही वाटले होते

गौतम गंभीरकडे मीनाक्षी लेखी यांच्याजागी दिल्लीच्या राजेंद्रनगर लोकसभा मतदारसंघाची जबाबदारी सोपवली जाऊ शकते. भाजपच्या एका वरिष्ठ नेत्याने ही माहिती दिली आहे. “मीनाक्षी लेखींच्या कामावर मतदारसंघातील जनता फार खुश नाहीत. त्यामुळे पक्षाने या मतदारसंघात गंभीरचा विचार करुन असा निर्णय घेतला आहे.