बिजिंग- चीनमधील जियांगसू प्रॉविन्समधील वाक्शी गाव आपल्या वैशिष्ट्यामुळे सध्या चर्चेत आळे आहे. या गावाला चीनचे ‘सुपर विलेज’ आणि जगातील सर्वात श्रीमंत गाव म्हटले जाते. हे गाव कुबेराची राजाधानी म्हणून ओळखले जाते.

गावातील सर्वांकडे स्वतःचे घर, कार आणि भरपूस संपत्ती आहे. शांघायपासून 135 किमी दूरवर असलेल्या या गावात आज शेकडो कंपन्या आहेत. तसेच मोठ्या प्रमाणात शेतीही केली जाते. एका व्यक्तीच्या प्रयत्नातून हे साध्या झाले आहे 1961 मध्ये हे गाव खूपच गरीब होते. एकी व्यक्तीने केलेल्या प्रयत्नांमुळे या गावात समृद्धी आली. कम्युनिस्ट पार्टीचे लोकल सेक्रेटरी वू रेनबाओ असे या व्यक्तीचे नाव आहे. त्यांनी या गावात समृद्धी प्लॅन बनवला व इंडस्ट्री आणली. त्यांनी कंपनीची स्थापना करून सामूहिक शेतीला प्रोत्साहन दिले गावातील प्रत्येक व्यक्ती शेयर होल्डर बनवली. त्यातून लोकांचे आयुष्य समृद्ध झाले. अनेकांना उत्पन्नाचे साधन मिळाले. 2014 मध्ये येथील प्रत्येक व्यक्तीचे वार्षिक सरासरी उत्पन्न 88लाख रुपये एवढे होते. आजही या गावाला कुबेराची राजधानी म्हणून ओळखले जाते.