मुंबई | कुर्ला ते विद्याविहार दरम्यान तांत्रिक बिघाड झाल्याने लोकल वाहतूक काही काळासाठी बंद झाली आहे. धीम्या मार्गावरील वाहतूकही जलद मार्गावर वळविण्यात आली. तांत्रिक बिघाडामुळे सीएसटीच्या दिशेने येणारी मध्य रेल्वेची वाहतूक २० मिनिटे उशिराने सुरु आहे. त्यामुळे सकाळीच कामासाठी बाहेर पडलेलल्या चाकरमान्यांचे हाल होत आहेत.
मंगळवारी सकाळी ऐन गर्दीच्या वेळी विद्याविहार ते कुर्ला या स्थानकादरम्यान तांत्रिक बिघाड झाला. यामुळे मुंबईकडे येणाऱ्या धीम्या मार्गावरील लोकल गाड्यांची वाहतूक खोळंबली. धीम्या मार्गावरील गाड्या जलद मार्गावर वळवण्यात आल्याची माहिती मिळाली आहे. यामुळे मध्य रेल्वेचे वेळापत्रक पुन्हा एकदा कोलमडण्याची शक्यता आहे.
विद्याविहार ते शीव (सायन) स्थानकादरम्यान धीम्या मार्गावर लोकल गाड्या खोळंबल्याने अनेक प्रवाशांनी ट्रॅकवरुन चालत जवळील स्टेशन गाठले. मध्य रेल्वेवर तांत्रिक बिघाडाचे सत्र सुरुच असून सोमवारी संध्याकाळी नाहूर स्थानकात एका लोकलमध्ये बिघाड झाल्याने कल्याणच्या दिशेने जाणारी धिमी लोकल सेवा विस्कळीत झाली होती. तर दुपारी कसारा स्थानकाजवळ सिग्नल यंत्रणेत बिघाड झाल्याने मध्य रेल्वेची वाहतूक विस्कळीत झाली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
