मुख्यमंत्री भेटीसाठी उद्धव ठाकरे अडीच तास ताटकळले

मुंबईः मुख्यमंत्री देवेंद्र फडणवीस सभागृहाच्या कामकाजात व्यस्त असल्यामुळे शिवसेना पक्षप्रमुख उद्धव ठाकरे भेट न घेताच परतले. नियोजित बैठकीला मुख्यमंत्र्यांकडून उशीर झाल्यामुळे उद्धव ठाकरेंना तासभर प्रतीक्षा करुन परतावे लागले. दरम्यान, याच वेळी नारायण राणे हे विधानभवनमध्ये दाखल झाले. त्यांची मुख्यमंत्र्यांनी भेट घेतल्याने उलटसुलट चर्चेला उधाण आले.

उद्धव ठाकरे आणि देवेंद्र फडणवीस यांच्यामध्ये बुधवारी संध्याकाळी बैठक नियोजित करण्यात आली होती. शिवसेना आमदारांच्या निधीसंदर्भात काही विषय मांडण्यासाठी ‘शिवालय’ या शिवसेनेच्या कार्यालयात ही भेट होणार होती. त्यासाठी संध्याकाळी पाच वाजल्यापासून उद्धव ठाकरे वाट पाहत बसले होते. मात्र सभागृहाच्या कामकाजात व्यस्त असल्यामुळे फडणवीस ठरल्या वेळी येऊ शकले नाहीत. अखेर उद्धव ठाकरे भेट न घेताच निघून गेले.

दरम्यान, उद्धव ठाकरे आणि फडणवीस यांच्यामध्ये फोनवरुन संभाषण झाल्याची माहिती शिवसेनेच्या सुत्रांनी दिली. भेटीसाठी मुख्यमंत्र्यांनी पुढची वेळही ठरवून दिली. त्याचप्रमाणे नियोजित बैठकीला वेळ देता न आल्याबद्दल फडणवीसांनी दिलगिरीही व्यक्त केली.चर्चा आहे