मुंबई । “बेस्टकडे पैसेच नाही तर बोनस देणार कुठून? बेस्टकडे पैसे छापण्याची मशीन आहे का”, असा खोचक सवाल महाव्यवस्थापकांनी बेस्ट कर्मचाऱ्यांवर उपस्थित केला आहे. यामुळे संतप्त झालेल्या बेस्ट समिती सदस्यांकडून आजची बैठक रद्द करण्यात आली आहे. बोनसबाबत निर्णय घेण्यासाठी उद्या (३नोव्हेबर) पुन्हा बेस्ट समितीची बैठक बोलाविण्यात आली आहे.
बोनस न झाल्यास कर्मचारी ऐन दिवाळीच्या दिवशी सोमवारपासून आंदोलन करतील, असा इशारा कामगार नेते व बेस्ट समिती सदस्य सुहास सामंत यांनी दिला आहे. महापालिकेच्या कर्मचाऱ्यांना १५ हजार रुपये अनुदान जाहीर करण्यात आले आहे. परंतु बेस्टच्या ४१ हजार कर्मचाऱ्यांची दिवाळी या वर्षी ही अंधारातच आहे. गेले काही दिवस बेस्ट कर्मचाऱ्यांना बोनस देण्याबाबत बेस्ट समितीकडून मागणी केली जात आहे.परंतु बेस्ट उपक्रमाकडे पैसाच नसल्याने यंदा बोनस देणे शक्य नाही, असे महाव्यवस्थापक सुरेंद्र बागडे यांनी व्यक्त केले आहे. परंतु महापालिकेला कर्जापोटी उर्वरित २२ कोटी रुपये रक्कम न देता बोनससाठी वळवावी,अशी मागणी बेस्ट समिती सदस्यांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
