मुंबई : वृद्ध मातेला एकटी ठेवून परदेशात राहणाऱ्या मुलाला भारतात परत आल्यावर जबर धक्का बसला. कारण फ्लॅटचे दार उघडल्यावर त्याला आई नव्हे, तर तिचा केवळ सांगडा सापडला. पश्चिम उपनगरातील ओशिवरा येथील उच्चभ्रू वस्तीत आलिशान फ्लॅटमध्ये एकट्या राहात असलेल्या आशा केदार सहानी या ६५ वर्षांच्या वृद्धेबाबत हा दुर्दैवी प्रकार घडला.
ओशिवरातील वेल्स कॉड सोसायटीमध्ये आशा सहानी एकट्याच राहात होत्या. त्यांचा मुलगा केदार आयटी इंजिनीअर असून गेल्या काही वर्षांपासू तो अमेरिकेत राहात आहे. गेल्या वर्षी एप्रिलमध्ये त्याचे आईशी बोलणे झाले होते. त्यानंतर दोघांमध्ये काहीही संवाद नव्हता. केदार शनिवारी भारतात परतला. फ्लॅटचा दरवाजा उघडत नसल्याने त्याने दरवाजा तोडून आत प्रवेश केला, तेव्हा त्याला चक्क मातेचा सांगडा दिसला. अनेक महिन्यांपूर्वी आशा यांचा मृत्यू झाला होता. हा मृत्यू नैसर्गिक होता की घातपात, याचा उलगडा झालेला नाही. ओशिवरा पोलिसांनी उत्तरीय तपासणीसाठी मृतदेह रुग्णालयात पाठविला आहे. दरम्यान, एकट्या राहात असलेल्या आशा यांची चोरीच्या उद्देशाने हत्या झाली असावी, असा प्राथमिक अंदाज व्यक्त करण्यात येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
