केईम रुग्णालयाचे छत कोसळून रुग्ण किरकोळ जखमी

मुंबई | परळ स्थित असलेल्या महापालिकेच्या के इ एम रुग्णालयात बुधवारी रात्री एम हॉस्पिटल मध्ये दुसऱ्या मजल्यावर डायलिसिस विभागाच्या छताचे प्लास्टर अचानक कोसळले. अचानक हे छताचे प्लास्टर कोसळल्यामुळे

डायलेसिस विभागतील 2 रुग्ण किरकोळ जखमी झाले. या घटनेनंतर जखमीना तातडीने दुसरीकडे हलवण्यात आले या घटनेत हॉस्पिटलचे 2 कर्मचारी ही किरकोळ जखमी झाले.

या संदर्भात अधिक माहिती देताना केईएम रुग्णालयाचे डीन अविनाश सुपे म्हणाले, प्लास्टर आणि एसी सिलिंग पडल्यामुळे 2 रुग्ण किरकोळ जखमी झाले आहेत. त्यांची प्रकृती सध्या ठीक असून त्यांना वेगळ्या ठिकाणी हलविण्यात आले आहे. सध्या दुसऱ्या ठिकाणी डायलिसिस विभागाचे काम काज सुरू केले असून कोसळला छत येत्या 3- 4 दिवसात पूर्वत तयार करून सुरू करण्यात येईल अशी माहिती त्यांनी माध्यमांशी बोलताना दिली.