मुंबई | शेअर बाजारात शुक्रवारी सेंसेक्समध्ये मोठी घसरण झाली. यामुळे शेअर बाजारात खळबळ माजली आहे. शेअर बाजारा दुपारच्या दरम्यान अचानक सेंसेक्स २७९.६२ अंकांनी म्हणजे ७५ टक्क्यांनी कोसळला. राष्ट्रीय निर्देशांक असलेल्या निफ्टी ९१.२५ अंकांनी म्हणजे ८१ टक्क्यांनी घसरल्याने शेअर बाजार ११,००० अंशांच्या खाली आला आहे. सेंसेक्सच्या घसरणीमुळे बँकिंग आणि फायनान्स मोठे नुकसान झाल्याचा अंदाज वर्तवण्यात येत आहे.
डीएचएफएलचे सुमारे ५० टक्के आणि यस बँकेच्या शेअर्समध्ये ३० टक्के घसरण झाली आहे. यस बँकेचे सीईओ राणा कपूर यांचा कार्यकाळ मुदतीपूर्वीच संपविण्याचा आरबीआयच्या निर्णयाचा बँकेच्या शेअर्सवर परिणाम झाला आहे. शेअर बाजार आज सुरू होताच सेन्सेक्स ३०५.८८ अंकांनी वाढत ३७,४२७ अंशावर व्यवहार करत होता. तर निफ्टी ८४ अंकांनी वाढत ११,३१८ वर खुला झाला होता. मात्र, दुपारी त्यात घसरण झाली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
