मुंबई | धडाकेबाज अधिकारी म्हणून प्रसिध्द असलेले नाशिक महापालिकेचे आयुक्त तुकाराम मुंढे यांची नाशिकहून बदली करण्यात आली आहे. मुंढे यांची बदली आता मुंबईत मंत्रालयात सहसचिवपदी करण्यात आली आहे. नियोजन विभागाच्या सहसचिवपदी बदली केल्याचे पत्र तुकाराम मुंढे यांना प्राप्त झाले आहे. नाशिकच्या जिल्हाधिकाऱ्यांकडे पदभार सोपवून नियुक्तीच्या ठिकाणी जाण्याचे निर्देशही मुंढे यांना देण्यात आले आहेत. तर नाशिकचा पदभार उस्मानाबादचे जिल्हाधिकारी राधाकृष्ण गमे स्वीकारणार आहेत. मुंबईतील नियोजन विभागाचे सहसचिवपद रिक्त असल्याने तिथे मुंढे यांची वर्णी लावण्यात आली. बदलीचे पत्र मिळताच मुंढे यांनी आपले कार्यालय सोडले असून मुंबईत रुजू झाले आहे. यापूर्वी २०१० आणि २०१२ मध्ये त्यांची बदली मुंबईत झाली होती.
नाशिकचा चेहरामोहरा बदलण्यासाठी मुख्यमंत्री देवेंद्र फडणवीसांनी तुकाराम मुंढेंकडे महापालिका आयुक्तपदाची जबाबदारी सोपवली होती. अाॅगस्ट महिन्यात मुंढे यांच्याविराेधात अविश्वास ठराव आणण्याचा प्रयत्नही करण्यात आले होते. मात्र मुख्यमंत्र्यांनी पक्षाच्या नेत्यांना समज देत हा ठराव मागे घ्यायला लावला हाेता. त्यांची २०१६ पासूनची ही चौथी बदली आहे. आधी ते पुणे महानगर परिवहन महामंडळाचे अध्यक्ष, तत्पुर्वी नवी मुंबई महापालिकेचे आयुक्त होते आणि त्याही आधी सोलापूरचे जिल्हाधिकारी होते. दरम्यान, उस्मानाबादच्या जिल्हाधिकारीपदी मुंढेंची नियुक्ती झाल्याची अफवा सोशल मीडियावर व्हायरल झाली होती. मात्र, ती केवळ अफवाच असून मुंढेंना मंत्रालयातच नियुक्ती देण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
