नागपूर | नागपूरमध्ये मुसळधार पावसाला सुरुवात आहे. यामुळे विधीमंडळाच्या पावसाळी अधिवेशना पहिल्यांदाच बत्ती गुल झाल्यामुळे विधीमंडळाचे कामकाज दिवसभरासाठी स्थगित झाले आहे. विधीमंडळाचे पुढील कामकाज सोमवारी होणार आहे. महाराष्ट्राच्या इतिहासात याआधी कधीच विधीभवनाची बत्ती गुल झाली नव्हती. पावसाळी अधिवेशनाचा आज तिसरा दिवस आहे. विरोधक विधीभवनाच्या पायऱ्यांवर शेतकऱ्यांना दीडपट हमीभावाचा हा फक्त जुमला असल्याचे घोषणा करत होते. विरोधकांनी मोबाईलच्या फ्लॅश लाईटचा आधार घेत सरकार विरोधात घोषणा करत होते.

विधिमंडळाच्या इतिहासात अधिवेशन काळात लाईट जाऊन कामकाज बंद पडावे लागण्याची ही पहिलीच वेळ आहे. सरकारचा नियोजनशून्य कारभार, नागपूरला अधिवेशन घेण्याचा निरर्थक बालहट्ट यामुळे ही वेळ आली आहे. pic.twitter.com/3KvJkGko24

— Dhananjay Munde (@dhananjay_munde) July 6, 2018

या पावसामुळे नागपूरातील अनेक रस्ते पाण्याखाली गेले आहे. या मुसळधार पावसामुळे विधानभवनातील वीज पुरवठा खंडीत झाला आहे. विधिमंडळाला वीज पुरविण्यासाठी उभारण्यात आलेल्या लाईट रुममध्ये पाणी शिरल्यामुळे वीजपुरवठा खंडीत झाला नसून तो तात्पुरता बंद करण्यात आला असल्याची माहिती ऊर्जा मंत्री चंद्रशेखर बावनकुळे यांनी दिली आहे.

नागपूर अधिवेशनात वीज पुरवठा खंडित झाल्यामुळे कामकाज थांबविण्यात आले आहे. विधानपरिषदेचे विरोधी पक्ष नेता धनंजय मुंडे यांनी त्यांच्या ट्विटर हँडलवर जलयुक्त नागपूर करुन दाखविले, अशा शब्दात टीका करुन सरकारवर निशाणा साधला.

राज्यात जलयुक्त शिवार अयशस्वी झाले असले तरी @Dev_Fadnavis सरकारने नागपूरात पावसाळी अधिवेशन घेऊन 'जलयुक्त नागपूर' असल्याचे मात्र दाखवून दिले आहे. pic.twitter.com/qxuAmF0bu7

— Dhananjay Munde (@dhananjay_munde) July 6, 2018