मुंबई | मुंबईतील अनेक महाविद्यालयांमध्ये सध्या कॉलेज फेस्टिव्हल्समुळे उत्साहाचे वातावरण असताना कीर्ती कॉलेजच्या एन.एस.एस युनिटच्या विद्यार्थ्यांनी राबविलेला उपक्रम हा सर्वांचेच लक्ष वेधत आहे. किर्ती महाविद्यालयाच्या विद्यार्थ्यांनी २४ डिसेंबरला रात्री बारा वाजता रस्त्यावर झोपलेल्या मुलांजवळ जाऊन चॉकलेट्स आणि भेटवस्तू ठेवल्या.
कीर्ती महाविद्यालयाच्या या विद्यार्थ्यांनी सांताक्लॉज बनून या मुलांना २४ डिसेंबरच्या रात्री भेटवस्तू आणि चॉकलेट्स दिली. त्या लहान मुलांसाठी या भेटवस्तू म्हणजे एक सुखद धक्काच होता. कीर्ती महाविद्यालयाच्या विद्यार्थ्यांनी ‘#स्प्रेडदहॅप्पीनेस’ या उपक्रमाच्या माध्यमातून हटके पद्धतीने ख्रिसमस सेलिब्रेशन केले असल्याचे गौरव धावडे याने सांगितले.
या महाविद्यालयाच्या विद्यार्थ्यांनी दादर, माटुंगा, माहीम या संपूर्ण परिसरात फिरुन ‘सिक्रेट सांता मिशन’ पूर्ण केले. लहान मुलांसाठी शैक्षणिक साहित्यासह अन्नपदार्थ, ऊबदार शाली, कपडे, जॅकेट्स अशा भेटवस्तू आणल्या होत्या. तरुणाई म्हणजे सेलिब्रेशन, खरेदी, पार्ट्या या गोष्टींचीच चर्चा होते. पण या विद्यार्थ्यांनी आपल्या अनोख्या उपक्रमासह तरुणाईसमोर वेगळाच आदर्श ठेवला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
