नवी मुंबई – वाशी खाडी पूल २३ जानेवारी ते १२ फेब्रुवारीपर्यंत बंद करण्यात येणार आहे. यामुळे मुंबई-पुणे वाहतुकीला मोठा फटका बसणार आहे. या कालावधीत मुंबईहून पुण्याच्या दिशेने जाणाऱ्या मार्गावरील वाहनांची वाहतूक जुन्या खाडी पुलावरुन वळवण्यात येणार आहे. दरम्यान अवजड वाहतूक एरोलीमार्गे ठाणे-बेलापूर मार्गेवरुन पुढे वळवण्यात आली आहे.
या नवीन वाशी खाडी पूलावर मुंबई-पुणे तसेच गोव्याला ये-जा करणाऱ्या वाहनांचे प्रमाण अधिक आहे. या मार्गावरील वाशी खाडी पूलाच्या लोखंडी जॉइंडरची झीज झाली आहे. त्यामुळे सार्वजनिक बांधकाम विभागाने या पुलाच्या दुरुस्तीचे काम हाती घेतले आहे. या कामासाठी पुढील २० दिवसात हे काम पूर्ण केले जाणार असल्याची माहिती सार्वजनिक बांधकाम विभागाच्या अधिकाऱ्यांनी माहिती दिली आहे.
नवी मुंबई – पुणे जाणाऱ्या हलक्या वाहनानांसाठी जुन्या खाडी पुलाचा पर्याय उपलब्ध करुन देण्यात आला आहे. पण, जुन्या खाडी पुलावर अवजड वाहनांना बंदी असल्यामुळे ही वाहने एरोलीमार्गे ठाणे-बेलापूर मार्गेवरुन पुढे जाण्यासाठी पर्यायी मार्ग ठेवण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
