मुंबई | ज्येष्ठ अभिनेते दिलीप कुमार यांची प्रकृती न्युमोनियाने खालावली असून त्यांना काल (रविवारी) रात्री पुन्हा एकदा रुग्णालयात दाखल करण्यात आले आहे. दिलीप कुमार यांच्या ट्विटर अकाऊंटवरूनच ही माहिती त्यांच्या चाहत्यांना देण्यात आली आहे. अभिनेते दिलीप कुमार सध्या ९५ वर्षांचे आहेत. गेल्या महिन्यात ५ सप्टेंबर रोजी त्यांना मुंबईतल्या लीलावती रुग्णालयात दाखल करण्यात आले होते. त्यांना तब्बल १४ दिवसांनी डिस्चार्ज देण्यात आला होता.
https://twitter.com/TheDilipKumar/status/1049200484949643266
रविवारी रात्री न्युमोनियामुळे त्यांची प्रकृती खालावली आहे. त्यामुळे त्यांना रुग्णालयात दाखल करण्यात आले आहे. त्यांचे निकटवर्तीय फैसल फारूखी यांनी ट्विट करून ही माहिती दिली आहे. “रविवारी रात्री दिलीप कुमार यांना रुग्णालयात दाखल करण्यात आले. त्यांना न्युमोनिया झाला असून सध्या लीलावती रुग्णालयात त्यांच्यावर उपचार सुरू आहेत. त्यांच्या प्रकृतीसाठी प्रार्थना करा. त्यांच्या प्रकृतीत सुधारणा झाल्यावर ट्विटरद्वारे कळवण्यात येईल,” असे त्यांनी ट्विटमध्ये केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
