राणेंची जागा नक्की कुठे – रावसाहेब दानवे सांगतील का?

मुंबई सरकारविरोधात बोलाल तर लक्षात ठेवा…भूजबळांशेजारी अजून तीन रूम शिल्लक आहेत…अशी धमकी अजून कोणी नाही तर चक्क भाजप प्रदेशाध्यक्ष रावसाहेब दानवे यांनी नारायण राणे यांना दिली होती. राणे त्यावेळी काँग्रेस मध्ये होते. शिवाय भाजप सरकार विरोधात आक्रमक ही होते. मात्र दानवेंच्या धमकी नंतर सर्व चक्र फिरली….राणेंचा भाजप विरोधातील आक्रमक पणा कमी झाला. त्यांच्या विरोधात ईडीची कारवाई सुरू झाली. राणे शांत झाले. भाजप विरोधाची धार बोधट होवून राणे कॉंग्रेस विरोधात बोलू लागले.

भाजप मध्ये जाण्याचे व सत्तेचेही वेध लागले. जेल मध्ये टाकू अशी धमकी देणारे दानवे तर राणेंच्या गाठी भेटी दिल्लीत घडवून देण्यात पुढे होते. आता हेच दानवे आता राणेंना भूजबळांच्या सोबत पाठवणार की चक्क मुख्यमंत्र्यांच्या बाजूला कॅबिनेट मध्ये मांडीला मांडी लावून बसवणार असा प्रश्न उपस्थित होत आहे. भाजपची दुटप्पी भूमिका यातून स्पष्ट होत आहे. राणे उद्या भाजप मंत्रीमंडळात आले तर आश्चर्य नको.पण दानवे कोणत्या तोंडाने त्यांना मंत्री मंडळात घेतलं हे सांगणार आहेत का? राजकीय वर्तूळात सध्या हा प्रश्न अधिक चर्चिला जात आहे…याचं उत्तर दानवेंना द्याव लागेल. ज्या माणसाला जेलची हवा खाण्याची धमकी दिली तो माणूस आज एनडीए मध्ये कसा? असं काय झालं ज्यामुळे सर्व चक्र फिरली याचं उत्तर दानवे देतील का? ….