मुंबई | दादर येथील नक्षत्र मॉल परिसरातील शिवसेना शाखा क्रमांक. 192 ची मानाची दहीहंडी विक्रोळी टागोर नगर महिला गोविंदा पथकाने फोडली आहे. टागोर नगर महिला पथकाने पाच थरांची विजयी सलामी देत दादरमधील शिवसेनेची मानाची दहीहंडी फोडण्याचा पहिला मान मिळवला आहे. तसेच या महिला पथकाने आयडीएलच्या दहीहंडीलादेखील सलामी दिली. माजी नगरसेवक प्रकाश बबन पाटणकर हे याचे आयोजक आहेत.
टागोर नगर मित्र मंडळाच्या सुवर्ण महोत्सवी वर्षानिमित्त या महिला पथकाने एकावर एक असे पाच थर रचून 50 अंक मोजले आणि त्यानंतर हंडी फोडली. यानंतर हे महिला गोविंदा पथक कुर्ला, घाटकोपर, भांडुप, ठाणे इथल्या मानाच्या हंड्या फोडण्यासाठी सज्ज झाले आहे.
मुंबईत सर्वत्र दहीहंडी उत्सवाचा उत्साह मोठ्या प्रमाणावर पाहायला मिळत आहे. आयोजकांनी आयोजित केलेल्या दहीकाला उत्सवात एका पाठोपाठ अनेक पथके येऊन या साहसी खेळातील आपले कौशल्य दाखवत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
