मुंबई | चुनाभट्टी परिसरात भरधाव कारने फूटपाथवर चालणाऱ्या तरुणीला धडक दिल्याने तिचा जागीच मृत्यू झाला. चुनाभट्टी येथील धावजी मार्गावर काल (६ डिसेंबर) रात्री ८.४५ वाजताच्या सुमारास एमएच ०५ बीजे ३९२० क्रमांकाची असलेली कार दत्त मंदिर जवळून व्ही. एन. पूरव मार्गावर जात होती. त्यावेळी कारवरील चालकाचा ताबा सुटल्याने हा अपघात झाला. या कारमध्ये एकूण तीन तरुण होते आणि ते मद्यधुंद अवस्थेत असल्याची माहिती समोर आली आहे. गाडीत चालकातील दोघांना ताब्यात घेतल्याची माहिती मिळाली आहे.
या अपघातात अर्चना पारठे वय (१९वर्षे) तरूणीला धडक मृत्यू झाला. तर दुसऱ्या जखमी तरुणीला शेजारील दळवी रुग्णालयात उपचारासाठी दाखल करण्यात आले आहे. पारठे कुटुंबाने चुनाभट्टी पोलिस चौकीला घेराव घालत ठिय्या आंदोलन केलं. जोपर्यंत वाहन चालकाला अटक केली जात नाही, तोपर्यंत मृत्यू अर्चना पार्टेचा मृतदेह ताब्यात घेण्यास नातेवाईक आणि चुनाभट्टीतील रहिवाशांनी नकार दिला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
