मुंबई | विद्यापीठ सिनेट निवडणुकीत शिवसेनेच्या युवासेनेनेच एक हाती विजय मिळवला आहे. या निवडणुकीत १० पैकी १० जागांवर युवासेनेला विजय मिळाला आहे. तर दुसऱ्या बाजूला अखिल भारतीय विद्यार्थी परिषदेचा दारुण पराभव झाला आहे.
रविवारी सिनेट निवडणूक पार पडली असून मंगळवारी सुरू झालेली मतमोजणी बुधवारी रात्री उशिरापर्यंत सुरू होती. खुल्या गटातील उमेदवारांना मिळालेल्या मतांची मोजणी आज पूर्ण झाल्यानंतर निवडणुकीचा निकाल स्पष्ट होईल. पण, उर्वरित दोन जागांवर सुद्धा युवासेनाच आघाडीवर आहे. त्यामुळे सिनेटच्या १० ही जागांवर युवासेनेचेच उमेदवार निवडून येण्याची शक्यता वर्तवण्यात येत आहे.
या निवडणुकीत महिला प्रवर्गात शीतल शेठ यांना एकूण १८ हजार ३०८ मते, निखिल जाधव याला १८ हजार ०८८ मते तर धनराज कोहचडे यांना १८ हजार ७६७ मते मिळवून विजयी झाले. तसेच शशिकांत झोरे आणि राजन कोळंबकर यांची अधिसभेवर निवडून जाण्याची ही दुसरी वेळ आहे. तर २०१० मध्ये सुद्धा युवासेनेच सिनेटची निवडणूक जिंकली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
