राज्यमंत्री दिलीप कांबळे यांनी अखेर पत्रकारांची दिलगीरी व्यक्त केली

माझ्या वक्तव्याने ज्यांची प्रत्यक्ष अप्रत्यक्ष मने दुखावली त्या सर्वांची मी दिलगीरी व्यक्त करतो – दिलीप कांबळे

उत्तम बाबळे

नांदेड : – राज्यमंत्री तथा हिंगोली जिल्ह्याचे पालकमंत्री दिलीप कांबळे हे हिंगोली जिल्ह्यातील एका शिवार संवाद यात्रेच्या कार्यक्रमानिमित्त मार्गदर्शन करत असतांना पत्रकारांवरती घसरले आणि पत्रकार,पोलीसांवर अर्वाच्च भाषेत बोलले. याच अनुशंगाने सबंध राज्यात पत्रकारांनी निषेध आंदोलने सुरु केल्याने २९ मे रोजी ना.दिलीप कांबळे यांनी अखेर एका प्रसिद्धी पत्रकाद्वारे दिलगीरी व्यक्त केली आहे. महाराष्ट्र राज्याचे सामाजिक न्याय व विशेष सहाय्य,मदत व पुनर्वसन, भुकंप पुनर्वसन,अल्पसंख्याक विकास व वक्फ आणि राज्य उत्पादन शुल्क राज्य मंत्री तथा हिंगोली जिल्ह्याचे पालकमंत्री दिलीप कांबळे हे हिंगोली जिल्ह्याच्या दाै-यावर असतांना जिल्ह्यातील एका शिवार संवाद कार्यक्रमात बोलतांना पत्रकार व पोलीस यांच्यावर खालच्या तथा अर्वाच्च भाषेत बरगळले.एका संविधानिक पदावर असलेल्या जबाबदार व्यक्तीने लोकशाहीचा चाैथा स्तंभ असलेल्या पत्रकार व देशांतर्गत सुरक्षा सेवा बजावणा-या पोलीसांबद्दल असे बोलणे उचीत नसल्याने त्याचे पडसात सबंध राज्यात उमटले.त्यांच्या वक्तव्याचा जाहीर तीव्र निषेध करत पदाचा राजीनामा द्यावा अशी मागणी करणारे विविध आंदोलने सर्वत्र होत आहेत.याची दखल ना.दिलीप कांबळे यांना घ्यावी लागली व नमते व्हावे लागले. २९ मे रोजी ना.दिलीप कांबळे यांनी एक प्रसिद्धी पत्रक काढले व त्यात म्हटले आहे की, “पत्रकारीता ही लोकशाहीचा चाैथा स्तंभ आहे.पत्रकारीते विषयी मला प्रचंड आदर असून माझ्या वक्तव्याचा विपर्यास करण्यात आला आहे.मी पत्रकारीतेतीलगैरप्रवृत्ती या विषयी बोललो होतो.परंतू संपुर्ण पत्रकारीतेला किंवा त्याक्षेत्राला उद्देशून वक्तव्य केले नव्हते.तरीही याबद्दल गैरसमज निर्माण करण्यात आला.तरी माझ्या वक्तव्या विषयी प्रत्यक्ष व अप्रत्यक्षपणे ज्यांची मने दुखवली असतील त्यांच्या बद्दल मी दिलगीरी व्यक्त करीत आहे.” अखेर ना.कांबळे यांनी पत्रकारांची दिलगीरी व्यक्त केली असल्याने ना.कांबळे यांचा राजीनामा घेई पर्यंत पत्रकार विविध आंदोलन करणार का मोठे मन करुन क्षमा देणार ? याकडे अनेकांचे लक्ष लागले आहे.