बीडच्या जवानाचा पंजाबमध्ये अपघाती मृत्यू

केज : तालुक्यातील उमरी येथील भूमिपुत्र व भारतीय सैन्य दलातील जवान वसंत अभिमान मुळे यांचे गुरुवारी पंजाबमधील अमृतसर येथे अपघाती निधन झाले.

वसंत मुळे हे गेल्या काही वर्षांपासून सैनिकी सेवेत होते. अमृतसर येथे कर्तव्यावर असताना त्यांच्या जीपला अपघातात झाला. यात त्यांना गंभीर दुखापत झाली. डॉक्टरांनी त्यांना मृत घोषित केले. त्यानंतर ही वार्ता कुटुंबियांना कळविण्यात आली.त्यांच्या मागे आई- वडील, पत्नी, दोन मुले व भाऊ असा परिवार आहे.

वसंत मुळे यांच्या पार्थिवावर शनिवार दुपारी केज (ता. उंबरी) येथे शासकीय इतमामात अंत्यसंस्कार होणार आहेत. तत्पूर्वी त्यांचे पार्थिव अंत्यदर्शनासाठी ठेवण्यात येणार आहे. गुरुवारी त्यांच्या निधनाचे वृत्त गावात धडकल्यानंतर गावकऱ्याना अश्रू अनावर झाले.