शुभम देशमाने
दिल्ली – सध्या देशात बारा लाख कोटी रूपयांपेक्षा अधिक नवीन नोटा चलनात असल्याची माहिती अर्थमंत्री अरूण जेटली यांनी आज लोकसभेत दिली. नोटबंदीवरील चर्चेदरम्यान जेटली बोलत होते.
नोटबंदीनंतर रिजर्व्ह बँकेने मोठया प्रमाणात पाचशे आणि दोन हजार रुपयांच्या नवीन नोटा चलनात आणल्या. रिजर्व्ह बँकेने जाहीर केलेल्या आकेडवारीनुसार २४ फेब्रवारीपर्यत अकरा लाख चौसष्ट हजार शंभर कोटी रूपयांच्या नोटा चलनात आहेत. ही आकडेवारी 8 नोंव्हेबरला नोटबंदी जाहीर झाल्यानंतर असल्याचे त्यांनी स्पष्ट केले.
पाचशे आणि हजार रुपयांच्या नेमक्या किती नोटा बँकेत जमा झाल्या आहेत हे सध्या तरी सांगणे कठीण आहे. कारण जमा झालेली प्रत्येक नोट ही खरी आहे की खोटी हे तपासण्यासाठी वेळ लागत आहे, त्यामुळे जुन्या जमा झालेल्या नोटांची आकडेवारी जाहीर करायला वेळ लागत असल्याचे त्यांनी स्पष्ट केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
