इस्लामाबाद: पाकिस्तानमधील पंजाब प्रांतात भरधाव बस दरीत कोसळून झालेल्या अपघातात सुमारे २७ प्रवासी ठार तर ६९ जण जखमी झाले. या बसमध्ये १०० हून अधिक प्रवासी होते. या बसमध्ये क्षमते जास्त प्रवासी होते, असे पोलिसांनी सांगितले. ही बस कोहाटवरून रायविंडला जात होती. ही घटना बुधवारी रात्री कल्लर कहार नगर येथे घडली. बसमधील प्रवासी हे रायविंड येथे होत असलेल्या धार्मिक कार्यक्रमात सहभागी होण्यासाठी जात होते, अशी माहिती सदर पोलीस ठाण्याचे प्रभारी मुहम्मद अफजल यांनी दिली. जखमींना रावळपिंडी येथील रुग्णलयात हलवण्यात आले आहे.