नवी दिल्ली | पीएनबी बँक घोटाळ्यानंतर आता अजून एका बँकेचा घोटाळा समोर आला आहे. नीरव मोदींनी ११ हजार कोटी तर कोठारी पिता-पुत्रांनी ३६९५ कोटींचा बँकेला चुना लावला. हे दोन्ही प्रकरण ताजे असताना अजून एक बँक घोटाळा उघडकीस आल्यामुळे सर्वांना मोठा धक्का बसला आहे.
ओरिएंटल बँक ऑफ कॉमर्स (ओबीसी) या बँकेत झाला आहे. सीबीआयने या घोटाळ्या प्रकरणी द्वारकादास सेठ इंटरनेशनल प्रा. लिमिटेड यांच्या विरोधात गुन्हा दाखल करण्यात आला आहे. बँकेने सहा महिन्यापूर्वी सीबीआयकडे तक्रार दाखल केली होती. त्यानंतर आज त्यांच्यावर गुन्हा दाखल करण्यात आला आहे.
यामध्ये कंपनीचे संचालक सभ्य सेठ, रीता सेठ, कृष्ण कुमार सिंह, रवी सिंह आणि कंपनी द्वारका दास सेठ एसआयजेड इनकॉर्पोरेशन यांची नावे आहेत. द्वारकादास सेठ इंटरनेशनल प्रा. लिमिटेडने ओरिएंटल बँक ऑफ कॉमर्स (ओबीसी) या बँकेतून २००७ ते २०१२ दरम्यान ३९० कोटींचं कर्ज घेतले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
