चंदीगड रामरहीमला अटक झाल्यानंतर अनेक गोष्टी समोर येत आहेत. बंठीडा येथील मोर मंडीत झालेल्या कार स्फोटात रामरहीमचा हात असल्याची धक्कादायक माहिती समोर आली. यामुळे रामरहीम अजून अडचणीत येणार आहे.
रामरहीमच्या मुलाच्या सास-याला मारण्यासाठी हा स्फोट घडवून आणल्याचं सांगण्यात येत आहे. रामरहीमच्या मुलाच्या सास-याचा नाव हरमिंदर सिंह जस्सी आहे हे माजी आमदार हरमिंदर सिंह जस्सी हे पंजाबमधील काँग्रेसचे मोठे नेते मानले जातात.
टाइम्स नाऊ’ या वृत्तवाहिनीला मिळालेल्या माहितीत हा गौप्यस्फोट झाला आहे. पंजाब विधानसभा निवडणुकीच्यावेळी मोर मंडीत झालेल्या या कार स्फोटात ६ लोक ठार झाले होते, तर १४ लोक गंभीर जखमी झाले होते. ‘टाइम्स नाऊ’च्या वृत्तानुसार या स्फोटासाठी लागणारे टायमर्स, बॅट्री आणि बॉम्ब बनविण्याची उपकरणे सिरसामध्ये खरेदी करण्यात आले होते. सिरसामध्येच डेरा सच्चा सौदाचं मुख्यालय आहे.
रामरहीमचा मुलगा जसमीत सिंह याचा सासरा हरमिंदर सिंह जस्सी यांना मारण्यासाठी हा स्फोट घडवून आणल्याचं सांगण्यात येतं. हत्येचा कट उघड झाल्याने हरमिंदर सिंह यांनी या प्रकरणाची सीबीआय चौकशी करण्याची मागणी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
